زوجة رئيس الجمهورية "بالسواريه
فلينتبه العالم الإسلامى..
هذه هى زوجة رئيس جمهورية مصر العربية القادم..
والواقفة على اليمين، هى الأم الفاضلة التى تولت تربية "خديجة" زوجة رئيس إحدى الدول الإسلامية المنتظر.
أرجوكم لا تنظروا إلى فستانها السواريه الذى يكشف قطاع عظيم من جسدها، فهذه هى ربه البيت الذى ناسب منه إبن الكرام "جمال مبارك"..
حقًا، دين وأخلاق وأم فاضلة..
فعز النسب.
posted by mohamed_ied @ ٩:٠٦ م
8 comments
8 Comments:
هى دى زوجة رئيس الجمهورية المصرية القادمة . ايه اللى بيحصل فى بلدنا ده. بس مش لازم نسكت عالتوريث ده ولا هيفضل عالطول رئيس جمهوريتنا من ال مبارك
وماله ماتلبس زي ماهي عايزه هي مالهاش نفس زي بقية بنات ونساوين الناس كبارات البلد وبعدين هو كان حد من الشعب الكافر بحسني مبارك والمحروس ننوس عين أمه سوزان مرات مبارك كان دفع لخديجة قرش صاغ هي ولا الوليه امها في الفساتين العريانه دي وبرضه لازم تبقي خديجه كده وأمها كده ولا ياشعب ياكافر ياأولاد الكفار بحسني مبارك كنتوا عايزين خديجة وأمها الولية اللي مبينة صدرها وجسمها هي وبنتها لازم يصلوا علي السجادة وعلي فكرة ياكفرة بكرة الواد جمال مبارك هيحج هو وخديجة وكمان الولية حماته وكمان هيعملوا عمرة في مولد النبي وماهي الرجالة في العمره بيبينوا جسمهم وجتتهم إيه ياعني لما خطيبه الواد إبن مبارك تكون كده هي وأمها ياجماعة هو إنتم حمير مابتفهموش إذا كان أبو جمال بيصبغ شعره بالسواد والراجل مفكر انه بيضحك علينا ومفكرنا إن إحنا عارفين إن شعره لسه ماشبش ودي خلقة ربنا وأمه سوزان اللي بتحكم مصر دلوقتي هي اللي مختارة خديجة بتلبس أحسن موضة ولازم جمال يناسب ناس موضة علشان تبقي مصر كلها علي آخر موضة
محمود الزهيري
أنا آسف فعلا على نشر الصوره والتعليق دول فى الموقع ده !!
انحدار عنيف فى البدايه وأتمنى حذفه تماما من الموقع ...
الصوره دى مش سياسه
ومالهاش دعوه لابالسياسه ولا بالحكم ولا بالظلم اللى بيعانى منّه الشعب المصرى
ولو حتى اتكلّمنا من منطق إسلامى بحت -رغم إنى ضد إدخال الدين فى دهاليز السياسه - فهنقول إن ده تتبّع لعورات مسلمه بل وفضحها على الملأ ...
ومش مجرّد تتبع العوره ونشرها, ده كمان "التلسين" وليس التعليق عليها بصوره مستفزّه وبها من التحريض والتأثيم الشىء الكثير
وده كلّه مالوش علاقه بالسياسه
الست دى إنت عمرك ماقابلتها ولاتعرف عنها أى حاجه غير إنها خطيبة ابن الرئيس
وده الشىء الوحيد اللى خلاّك تنشر صورتها هىّ - مش صورة ابن الرئيس- ووالدتها وتسخر منهم ومن أخلاقهم ودينهم
هاكرّر تانى
دى مش سياسه
وكمان مش إسلام
والنقطه الأهم فى ده كلّه إنك كده بتهدم قضيّتنا -احنا المتغاظين والمقهورين من مبارك وابنه وحكوماتهم- وبتصوّرنا فى صورة العجزه اللى مش لاقيين أى حاجه يمسكوها على الرئيس أو ابن الرئيس غير صورة لخطيبة ابن الرئيس وهى لابسه فستان معرّى كتفها !!!
اسمح لى ده تهريج وإهانه لينا احنا قبل مايكون للرئيس أو ابنه
,Leo
أنت مالك بلبسها
أنت اخوانجي يالا
وهي جت عليها يعني
ده أنت فاضي أوي
يسرا
يبدو ان شعبنا الكريم نسى إسلامه، ونسى ان دولتنا إسلامية فى المقام الأول، عذرًا يبدو ان القنوات الفضائية والبس الخليع الذى انتشر بين الناس اصبح هو العادى وما دون ذلك هو النشاذ، اصبح طلب الاحترام والاحتشام فى الملابس هو النشاذ، الأستاذة الفاضلة يسرا ، انا مش اخونجى خالص مالص ، بس يبدو ان انا فاضى فعلا ، والى بيتفرجوا على نسوان الفضائيات وبيعملوا شات ومقضينها عايز بنت محترمة على الخاص هما الى مشغولين فعلا.
بالفعل انقلبت الموازين واصبح المطالبة بالاحترام فى الملبس فى هذا الزمان هو النشاذ ، وكمان خدى هنا يا يسرا هانم ، يعنى ايه انت مالك بلبسها ، ناقص تقوليلى انت عامل المدونة ديه ليه اصلا ،وهو انت مالك بالبلد ديه وبقول لحضرتك ان البلد ديه بتاعه اهلينا كلنا ، وليا كامل الحق فى انى اعترض على ملابس زوجة رئيس الجمهورية القادمالمفروض ان، ديه دولة اسلامية
والاخ ليو
ده مش فضح عورات مسلمين ، هى الى رافعه صورتها ديه على النت يا استاذى الفاضل ، مش انا الى رحت صورتها ، ورفعت الصورة ، الصورة لاقيناها على المواقع والمنتديات، وكمان دا مش تتبع لعورات مسلمة ، لان هى مش معتبره ان ديه عورة اصلا، هى الى متصورة كده وراضية على نفسها كدا، ومش مكسوفة ، يبقا هى الى بتكشف عورتها ، مش انا الى بكشفهلها ، هى الى قالعة كدا ومتصورة وهى الى كاشفة عورتها ، ودا مش زنبى. دا ذنبها هى ، وكمان ذنب ريس الجمهورية الى اختار واحده بالمنظر ده تكون زوجته
واظن ان الاعتراض على سيدة مصر الاولى ، دا سياسة وتبع القضية ، مش لت وعجن على الفاضى ،
يا جماعه انتوا بتفكروا ازاى ، ديه سيدة مصر ومن ستمثل مصر فى جميع دول العالم فى الفترة الجاية،
ولا ناقص ان هى تكون زى الملكة رانيا وتصور بالبكينى
وساعتها برضوا يا ترى هاتقولوا ملناش دعوة وده مش سياسة ؟ ولا هايكون رأيكم ايه
إنت بتخلط الأمور ليه ؟
ده مالوش دعوه بالقضيّه وإلا هتبقى قضيّه خسرانه ونروّح نقعد فى بيوتنا أحسن !!
ونتكلّم بوضوح شويّه بقى
هاركّز الأول على كذا نقطه
الأولى إن اللبس ده عادى جدا جدا عند الطبقه دى وطبقات تانيه كتير أقل من دى
بل وعلى العكس كمان عند الناس الهاى ده يعتبر لبس محترم جدا
وناس كتير بتطلع فى التليفزيون والجرائد بنفس اللبس ده
وهاقولّك على حاجه تانيه
إنت شخصيا ممكن يكون من قرايبك بنات بتلبس لبس زى ده فى الأفراح مثلا أو فى المصيف - ماأقصدش أى إهانه أو تلميح أقصد إن ده بقى منظر مش غريب على معظم الناس فى مصر -
وإن كان ده وضع يدعو للأسف فعلا لكن ده الواقع
وإن كان الواقع ده مضايقك وعايز تغيّره أو تتكلّم عنّه يبقى تكتب هنا تناقش الظاهره كلها وتجيب صور لبنات عاديه من اللى بيلبسوا كده وساعتها لما تجيب كمان صور لبنات من بنات المسئولين اللى بيعتبروا المفروض قدوه ومن بينهم صورة خطيبة ابن الرئيس وساعتها مش هاقولك إن ده تتبع لعورات المسلمين أو حاجه من دى
إنت ساعتها بتناقش الظاهره
ثانيا دى خطيبة ابن الرئيس
مش زوجة الرئيس
وممكن ينفصلوا بكره لأى سبب
وممكن كمان ابن الرئيس مايبقاش رئيس !
يبقى ساعتها إيه الوضع ؟
كل الكلام فى النقطه دى فرعى تماما بالنسبه لى
كلام فارغ بمعنى أصحّ
لأن حتى لو إنت عايز تقول إن دى سياسه ومش تتبّع عورات ولا إهانه أو نزول بمستوانا لمستوى أخلاقى مهين
فالمسئوليه مش على ابن الرئيس فى لبس خطيبته أو أم خطيبته
لما تبقى مراته تبقى تحاسبه
دلوقتى أبوها هوّ المسئول عنها
وأنا بصراحه حاسس بالسخافه جدا وأنا باتكلّم فى النقط دى
زى ماقلت لك فى التعليق الأول
لو احنا ماعندناش حاجه ناخدها على الريس وابن الريس وحكومة الريس غير فستان خطيبة ابن الريس اللى كاشف جزء من كتفها يبقى احنا ماعندناش قضيّه أساسا ونبقى فعلا عالم فاضيه !!
والمفترض إنى لما باعترض على الرئيس أو ابن الرئيس أو أى حد تانى من الأسره الحاكمه أو الحكومه باعترض على الحاجه اللى بتمسّنى أنا كشعب
وفستان خطيبة ابن الرئيس مايهمنّيش فى أى حاجه كشعب إلا لو كان ابن الرئيس دفع فلوسه من فلوس الشعب
غير كده ماليش دعوه
افرض إنه كان خطب واحده مسيحيه ياأخى ولبسها كان عريان أكتر من كده أو حتى كانت بتشرب خمره ؟
احنا مالنا ؟!!
وبعدين نقطه أخيره بقى
مش هىّ اللى نشرت صورتها على الانترنت
هات لى موقعها الرسمى أو البلوج بتاعها اللى نشرت فيه صورتها هى وأمها ؟
باكرّر تانى
من باب النصح باأقول إن ده مايخدمش الموقع
باتكلم عن الاتجاه ده عموما
وخصوصا إنه اتجاه غير برىء
إنت مانشرتش الصوره بدون تعليق مثلا
ده إنت غمزت ولمزت بأخلاق البنت وأمها
وده مش فى مصلحة احترام الموقع أو احترام الكلام الوارد فيه
leo
أزال أحد مشرفي المدونة هذا التعليق.
ماشى يا ليو ، ردك الاخير انا موافق على 70% من الى فيه ، وفهمت قصدك ووجهة نظرك . الأهم فالمهم ، وفى حاجات أأهم كتير اوى اوى من فستان الحاجة خطيبة البيه .
احب اوضحلك انى حطيت الصورة والتعليق لاني محبتش أفوت الحدث دا، بختلف معاك فى حكاية اللبس السوارية الى بقا عادى ، لا يا باشا ، مصر لسة بخير برضوا، ولسه معظم الناس اما بيشوفوا اللبس دا بينزعجوا من الى وصلت له طبقة معينه فى المجتمع. الأغلبية بخير لسه .
المهم انا مازلت شايف ان موضوع الفستان بتاع الاخت خديجة تبع القضية ..
بالرغم من دا انا اوافقك فى نقطة ان هناك مئات الحاجات الى أهم منه. وهى أولى بالكلام فيها بدلا من الفستان.
كلامك مضبوط فى النقطة ديه .
وهات دماغك ابوسها يا واد (^_*) .
السلام عليكم
إرسال تعليق
<< Home